Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Երեսուներկուերորդ գաղտնիքը պատմում է ամերիկյան մենեջմենթի լեգենդներից մեկի՝ Լի Այքոքայի և Chrysler-ում նրա ուղու մասին: Այքոքայի օրինակով Դիլբարյանը ցույց է տալիս, որ խնդիրը բացահայտելուց հետո պետք է լուծում տալ դրան։ Անհնար է, որ այս հատկանիշն ունեցող մասնագետը կարիերիայի աճ չունենա։
