Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Քսանվեցերորդ գաղտնիքը պատմում է McDonald’s-ի հիմնադիրների՝ Դիք և Մաք Մաքդոնալդ եղբայրների մասին: Ապագա հսկայական միջազգային ցանցի առաջին ռեստորանը նախատեսված էր վարորդների համար, իսկ սպասարկումը տեղի էր ունենում հետևյալ կերպ. Դիքն ու Մաքը նրբերշիկ էին պատրաստում, մատուցողները՝ պատուհանից սպասարկում վարորդներին: