Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Երեսունվեցերորդ գաղտնիքը պատմում է 20-րդ դարի ամենահայտնի գործարարներից մեկի՝ Անդրե Սիտրոենի, նրա հաջողությունների ու ձախողումների, Լուի Ռենոյի հետ մրցակցության մասին։
Սիտրոենին անվանում էին Եվրոպայի Հենրի Ֆորդ․ չէ՞ որ նա առաջինն էր, որ Եվրոպա բերեց մեքենաների մասսայական արտադրությունը, ստեղծեց առաջին իրական ամենագնացը և իրականացրեց այնպիսի գովազդային արշավներ, որ մինչ նա ոչ ոք չէր արել։ Հետաքրքիր է, որ Անդրե Սիտրոենը չի եղել մեխանիկ, անգամ ավտոմեքենաների սիրահար։
