2000 տարի առաջ գրված «Նամակներ ստոիկից» գիրքը նույնքան արդիական է մեր օրերում։ Ըստ էության՝ այն ինքնակատերալագործման մասին ժամանակակից գրքերի նախատիպերից է։ Այստեղ ևս շեշտը դրվում է այն հանգամանքի վրա, թե ինչպես կարող ենք ավելի լավը դառնալ մեր մտքերն ու գործողությունները փոխելու միջոցով։
Մարկուս Աուրելիուսի «Խորհրդածությունների» հետ մեկտեղ՝ Սենեկայի այս գիրքն անտիկ ստոիցիզմի իսկական դասական ստեղծագործություններից է։ Հեղինակի խնդիրն է օգնել ընթերցողներին ապրել լավ կյանքով։ Ըստ նրա՝ մենք հակված ենք փխրունության, հեշտությամբ ենթարկվում ենք ճակատագրի անկանխատեսելիությանը և բախվում մահվան անխուսափելիությանը։
Սենեկան խորհուրդ է տալիս ապրել բնության հետ ներդաշնակությամբ։ Դրան կարելի է հասնել մի շարք հաջորդական քայլերով, որոնք կտանեն մեզ ներքին խաղաղության հասնելու ճիշտ ճանապարհով։
Իհարկե, միշտ չէ, որ հեշտ է։ Բնության հետ ներդաշնակ կյանքն ու աճը մեծ ջանք են պահանջում։ Դա նշանակում է հրաժարվել վատ սովորություններից ու փոխարինել դրանք լավերով, ընդունել այն ամենը, ինչն անհարմարություն է պատճառում մեզ, ինչպես ցավը կամ փոփոխությունը։ Սակայն եթե ճշմարտությունն ու իմաստությունն են առաջնորդում մեզ, ապա նրանց հետ կգնանք առողջ որոշումների ճանապարհով։ Մենք կկարողանանք մի կողմ թողնել մեր վախերն ու դառնալ մեր լավագույն եսը։
