Հարստության և հաջողության 32 անքակտելի օրենքները / The 32 Unbreakable Laws of Money and Success

Բրայան Թրեյսին վերադառնում է իր նոր գրքով՝ «Հարստության և հաջողության 32 անքակտելի օրենքները․ վերափոխե՛ք ձեր կյանքը և բացահայտե՛ք ձեր անսահմանափակ ներուժը», որը լույս է տեսել 2024-ին։ Ինչպես վերնագիրն է հուշում, հեղինակը ներկայացնում է 32 օրենք, որոնցից յուրաքանչյուրը միտված է հաջողության հասնելու մտածելակերպի ձևավորմանն ու զարգացմանը։ 

Թրեյսին նշում է, որ ձեր առաջին միլիոնը վաստակելու համար պետք է փոխվեք՝ դառնալով ավելի համառ, ավելի խիզախ և ավելի կարգապահ, քան միջին վիճակագրական մարդը։ 

Ֆինանսական ազատության հասնելը գուցեև բարդ ճանապարհ է։ Սակայն յուրացնելով այս գրքում ներկայացված դասերը և դրանք գործնականում կիրառելով՝ դուք նույնպես քայլ առ քայլ կհասնեք դրան։ Թրեյսին ուսումնասիրել է զրոյից սկսած և սեփական ուժերով հարստացած միլիոնատերերին՝ ամփոփելով նրանց քայլերը 32 օրենքի մեջ։