Ո՞վ ենք մենք։ Ո՞րն է մեր դերը։ Ո՞ւր ենք գնում։ Ինչո՞ւ։ Այս և մարդուն հասկանալու հիմքում ընկած շատ այլ հարցեր են ընկած «Մարդու բնույթի ըմբռնումը» գրքում։ Առաջին անգամ լույս տեսնելուց մեկ դար անց անհատական հոգեբանության այս ուղեցույցը չի կորցնում արդիականությունը։
«Մարդու բնույթի ըմբռնումը» աշխատությունում Ադլերը դիտարկում է անհատականությունը տարբեր կողմերից, թե ինչպես է այն զարգանում, ինչպես ենք մենք դառնում այն, ինչ կանք։ Գրքի առանցքում մարդն է, որ ապրում է այլ մարդկանց աշխարհում՝ ձևավորվելով մյուսների հետ հարաբերություններից և ձև տալով դրանց։ Հոգեպես առողջ ու ներդաշնակ կյանքի հասնելու ճանապարհին կարևոր են ոչ միայն անձնական ձգտումները, այլ նաև ընդհանուրի զգացողությունը, ավելի մեծ ու միասնական նպատակի մասը լինելու, համայնքի բարօրությանը նպաստելու անհրաժեշտությունը։
