Ջեբ, ջեբ, ջեբ, աջից հարված

«Ջեբ, ջեբ, ջեբ, աջից հարված․ ինչպես պատմել ձեր պատմությունը սոցիալական մեդիայի աղմկոտ աշխարհում» գրքում Վայներչուկը շեշտում է, որ յուրաքանչյուր սոցիալական հարթակ ունի իր առանձնահատկությունները։ 

«Այսօր ձեր պատմությունը սոցիալական մեդիայում լսելի դարձնելու և դրա հիման վրա մարդկանց գործել ստիպելու համար պահանջվում է խոսել տվյալ հարթակի մայրենի լեզվով, ուշադրություն դարձնել համատեքստին, հասկանալ նրբերանգները և աննշան տարբերությունները, որոնք յուրահատուկ են դարձնում յուրաքանչյուր հարթակը, և ձեր բովանդակությունը համապատասխանեցնել դրանց»,- պնդում է Վայներչուկը։ 

Վայներչուկը կոչ է անում վերանայել մարքեթինգի և վաճառքի ավանդական մոտեցումները։ Գրքի հիմնական գաղափարն այն է, որ բրենդները պետք է հետևողականորեն արժեքավոր բովանդակություն տրամադրեն իրենց հետևորդներին (ջեբեր), որից հետո միայն վաճառքի կոչ անեն (աջից հարված): 

Եթե դուք չափազանց ագրեսիվ վաճառեք սոցիալական մեդիայում, մարդիկ կանտեսեն ձեզ, բայց եթե դուք աջակցեք ձեր համայնքին, նրանք կցանկանան գործ բռնել ձեզ հետ: Այս մոտեցումը նպատակ ունի ստեղծել երկարաժամկետ հարաբերություններ հաճախորդների հետ՝ հիմնված վստահության և փոխադարձաբար արժեք տալու վրա: