Ինքնուրույն երեխա / The Self-Driven Child

Տարիներ առաջ Ուիլյամ Սթիքսրուդը և Նեդ Ջոնսոնը սկսեցին դիտարկել նույն խնդիրը տարբեր տեսանկյուններից։ Նույնիսկ բարձր ցուցանիշներ ունեցող երեխաները գալիս էին նրանց մոտ խիստ սթրեսային վիճակում ու մոտիվացիայի պակասով։ Շատերը բողոքում էին, որ իրենք որևէ վերահսկողություն չունեն սեփական կյանքի նկատմամբ։ Ոմանք ստիպված էին գնացել ավագ դպրոց կամ քոլեջ, և խնդիրները դրանից էին ի հայտ եկել։ 

Ուիլյամը կլինիկական նյարդահոգեբան է, որ օգնում է տագնապի զգացում ու սովորելու դժվարություններ ունեցող երեխաներին։ Նեդը մոտիվացիոն մարզիչ է, բարձրակարգ կրթական ծառայություններ մատուցող ընկերության ղեկավար։ Միասին նրանք բացահայտեցին, որ սթրեսի դեմ լավագույն միջոցը երեխաներին սեփական կյանքի նկատմամբ վերահսկողության զգացողություն փոխանցելն է։ Սակայն սա չի նշանակում, որ պետք է հրաժարվեք ձեր ծնողական հեղինակությունից։ Այս հեղափոխական գրքում հեղինակները բացահայտում են, թե ինչպես կարող եք ակտիվորեն օգնել ձեր երեխաներին՝ կերտելու ուժեղ միտք, տոկունություն և նոր մարտահրավերներ ընդունելու պատրաստակամություն։ 

«Ինքնուրույն երեխա» գիրքն ուղեղի առաջադեմ գիտական հետազոտությունների, վարքագծային թերապիայի վերջին բացահայտումների և հազարավոր երեխաների ու պատանիների՝ հեղինակների ուսումնասիրություններից ստացված տվյալների համադրություն է։ Ուիլն ու Նեդը սովորեցնում են ձեզ ինչպես ձեր երեխաներին օգնել բռնել հաջողության իրական ճամփան։ Որպես ծնող՝ դուք միայն այստեղ կարող եք հասցնել ձեր երեխաներին։ Որոշակի փուլում նրանք պետք է ղեկն իրենց ձեռքը վերցնեն և գծեն սեփական ուղին։ Բայց նախքան այս փուլին հասնելը՝ դուք շատ բան կարող եք անել, որպեսզի նրանք անցնեն այդ ճանապարհը համառությամբ ու մտքի թռիչքով։