Բաբելոնի ամենահարուստ մարդը / The Richest Man in Babylon

1926 թվականին գրված այս գիրքը ֆինանսական արժեքավոր խորհուրդներ է փոխանցում 4000-տարվա բաբելոնյան առակների միջոցով։ Գլխավոր հերոսը հորինված կերպար է՝ Արքադը՝ աղքատ գրագիր, որը դառնում է Բաբելոնի ամենահարուստ մարդը։

Մեր օրերում փողը կառավարվում է նույն օրենքներով, ինչ 4000 տարի առաջ, երբ Բաբելոնի փողոցները լիքն էին հարուստ մարդկանցով։ Բաբելոնը դարձել էր հին աշխարհի ամենահարուստ քաղաքը, որովհետև նրա քաղաքացիները ժամանակի ամենահարուստ մարդիկ էին։ Նրանք գնահատում էին փողի արժեքը։ Հարստություն կուտակելիս, այն պահելիս և ավելացնելիս նրանք հետևում էին հիմնարար ֆինանսական սկզբունքների։ Բաբելոնյան մեծահարուստներն ապահովում էին իրենց ապագայի եկամուտներով։

Հարուստ դառնալու համար պետք է շատ սովորել. դա մեկ օրում չի լինում։ Արկածներով լի այս ճանապարհը սկսելուց առաջ դուք պետք է պատրաստ լինեք սխալներ թույլ տալու և դրանց հետևանքները կրելու։ Որոշակի փուլում գուցե անգամ ձեր ողջ ունեցվածքը կորցնեք, բայց դա չի նշանակում, որ պետք է դադարեցնեք փորձերը։

Որպեսզի հարստանաք, պետք է մտածեք, որ փողը նման է ծառի։ Ծառերը դանդաղ են աճում, և ծաղկելու համար ջուր ու լույս է պետք նրանց։ Կազմե՛ք տրամաբանական ֆինանսական ծրագիր ու հետևե՛ք դրան։ Այս ամենն անելու դեպքում ինքներդ կզարմանաք, թե որքան արագ փողը կկուտակվի։