Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Վաթսունմեկերորդ գաղտնիքում Դիլբարյանն ընդգծում է համառության, աշխատասիրության և երեխաներին բնորոշ կենսուրախության կարևորությունը, որոնք վերջին տասնամյակների ամենահաջողակ գործարարներից մեկի՝ Ջեֆ Բեյզոսի աշխատելաոճի հիմնական հատկանիշներից էին։ 30 տարեկանում նա հիմնադրեց Amazon-ը` աշխարհի ամենախոշոր ինտերնետային սուպերմարկետը։
