Գաղտնիք 51 / Secret 51

 Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները: Հիսունմեկերորդ գաղտնիքում Դիլբարյանն ընդգծում է բիզնես մտածելակերպը փոխելու կարևորությունը։ Ըստ նրա՝ գոյություն ունեն վաճառքի ավելացման թաքնված մեթոդներ, որոնք շատերը չեն գիտակցում։ Ստանդարտ մեթոդներից օգտվում են բոլորը․ ուշադիր ուսումնասիրե՛ք ձեր բիզնեսը և փորձե՛ք բացահայտել այն մոտեցումները, որոնք արդյունավետ կլինեն հենց ձեզ համար։