Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Քառասունմեկերորդ գաղտնիքը շարունակում է Սթիվ Ջոբսի և Apple բրենդի կերտման պատմությունը։ Apple-ում հասկանում էին, որ մարդիկ սիրում են ընդգծել իրենց կարգավիճակը։ Apple-ի ապրանքներն էլ պատկանում են այն կատեգորիաներին, որ մարդիկ կարող են իրենց հետ կրել և ցույց տալ միջավայրին: Այս իմիջային ապրանքներն ազդում են մարդկանց վրա. նրանք հասկանում են, որ եթե ունեն Apple, ուրեմն իրենք ժամանակակից են, նման չեն բոլորին, ունեն որոշակի կարգավիճակ և այլն: Հենց սրա շնորհիվ է ընկերությունը կարողանում թանկ վաճառել իր ապրանքները։
